३ वर्षपछि राजस्व कार्यालय जनकपुरले पूरा गर्‍यो लक्ष्य

जनकपुरधाम । तीन वर्षपछि आन्तरिक राजस्व कार्यालय जनकपुरको राजस्व सङ्कलन शतप्रतिशत पुगेको छ । चालु आर्थिक वर्षको माघ महिनामा मात्र १२२ प्रतिशत राजस्व संकलन भएको हो ।

गत माघ महिनामा ३० करोड ९६ लाख २१ हजार राजश्व संकलन लक्ष्य राखेकोमा ३७ करोड ७४ लाख ५८ हजार राजश्व उठेको कार्यालय प्रमुख कर अधिकृत आनन्दकुमार गुप्ताले जानकारी दिए । यो लक्ष्यभन्दा २२ प्रतिशत बढी हो ।

चालु आर्थिक वर्षको माघ महिनासम्म २ अर्ब ५१ करोड ६० लाख ७५ हजार राजश्व असुल असुल्ने कार्यालयको लक्ष्य छ । जसमा २ अर्ब ५१ करोड १ लाख ३० हजार असुल उपर भएको प्रमुख गुप्ताले बताए । जनु लक्ष्यको शतप्रतिशत हो ।

आर्थिक वर्ष २०७८।०७९ देखि आर्थिक वर्ष २०८०र०८१ सम्म चालु आर्थिक वर्षको लक्ष्य अनुसार राजश्व उठेको थिएन ।

कार्यालयको तथ्यांक अनुसार गत आर्थिक वर्ष २०८०र०८१ मा लक्ष्यको ८६ प्रतिशत मत्र राजश्व उठेको थियो । त्यस अघिल्लो आ।व। २०७८र०७९ मा लक्ष्यको ९४ प्रतिशत, उठेको थियो भने आ।व।२०७९र०८० मा ९३ प्रतिशत उठेको थियो ।

सेवा प्रवाहमा व्यापक सुधार, सरकारी कार्यालय, अर्धसरकारी कार्यालयहरू र विभिन्न संस्थाहरूको टिडिएस रकम समयमा दाखिला गर्न सञ्चार, समन्वय र ताकेता गर्दा लक्ष्य अनुसार राजश्व उठेको कार्यालय प्रमुख गुप्ताको भनाइ छ ।

उनका अनुसार आर्थिक ऐन २०८१ ले प्रदान गरेको छुट सुविधाहरूको व्यापक रूपमा प्रचारप्रसार र धनुषा जिल्लाभरिको १७ वटै पालिकाहरूमा ननफाइलर करदाताहरूको सूचना टाँस गरिएको थियो ।

यस्तै बल्क एसएमएस, टेलिफोन र पत्राचार समेत गरिएको, सूचनामा आधारित बजार अनुगमन र अन्तःशुल्क प्रतिष्ठानहरूको नियमित निरीक्षण गरिएको, बक्यौता र बेरुजुलाई प्राथमिकतामा राखी कार्य गरिएको साथै सेक्टर छुट्याएर वस्तुगत व्यवसायीहरूलाई कर शिक्षा कार्यक्रम सञ्चालन गरिएको छ ।