त्रिशूली–३ ‘ए’ को सुरुङबाट १० दिनपछि दुई जनाको जीवितै उद्धार

काठमाडौं । रसुवाको भोटेकोशीमा आएको विनाशकारी बाढीपछि त्रिशूली–३ ‘ए’ जलविद्युत् आयोजनाको सुरुङभित्र फसेका दुई जनाको १० दिनपछि जीवितै उद्धार गरिएको छ।

उद्धार हुनेमा सञ्जय साह र कविर महर्जन रहेका छन्। महर्जन आयोजनामा मेकानिकल सुपरभाइजर तथा साह मेकानिकल फोरम्यानका रूपमा कार्यरत थिए।

सुरुङभित्र खोजीका क्रममा मानिसको आवाज सुनिएको संकेत पाएपछि नेपाली सेना र सशस्त्र प्रहरीको संयुक्त टोलीले उद्धार अभियान तीव्र बनाएको थियो। त्यसक्रममा दुवै जनालाई सुरुङबाट बाहिर निकालिएको हो।

बाढीपछि सुरुङभित्र फसेका उनीहरूलाई १० दिनपछि जीवितै निकाल्न सफल भएपछि उद्धार टोली र आफन्तमा खुसी छाएको छ। सुरुङभित्र अझै अन्य व्यक्ति फसेको हुनसक्ने आशंकामा
खोजी तथा उद्धार कार्य जारी रहेको छ।