सुदूरपश्चिमका मुख्यमन्त्रीले आज विश्वासको मत लिने

काठमाडौं । सुदूरपश्चिम प्रदेश सरकारका नवनियुक्त मुख्यमन्त्री खगराज भट्टले आज बुधबार विश्वासको मत लिने भएका छन् ।

साउन २९ गते मुख्यमन्त्री नियुक्त भएका खगराज भट्टले आज विश्वासको मत लिने भएका हुन् । मंगलबार बसेको नेकपा संसदीय दलको बैठकमा मुख्यमन्त्री खगराज भट्टले विश्वासको मत लिनेबारे जानकारी दिएका छन् ।

मुख्यमन्त्री खगराज भट्टले प्रदेशसभा सचिवालयलाई पत्राचार गरेर विश्वासको मत प्रयोजनका लागि बैठक बोलाइदिन आग्रह गरेका छन् ।
प्रदेशसभा सचिवालयले बुधबार दिउँसो १ बजे बस्ने गरी प्रदेश सभाको बैठक बोलाएको छ ।