विदुरमै डीएनए नमूना संकलन

नुवाकोट । भोटेकोशी बाढीमा बेपत्ता भएकाहरूको पहिचानका लागि नेपाल प्रहरीले विदुरमा डीएनए नमूना सङ्कलन केन्द्र सञ्चालनमा ल्याएको छ ।

यसअघि नमूना दिन काठमाडौँ पुग्नुपर्ने बाध्यता रहेकामा प्रभावित परिवारलाई सहज बनाउन विदुरमै केन्द्र स्थापना गरिएको नेपाल प्रहरी अस्पतालका डिआइजी डा। दामोदर पौडेलले बताए ।

शवसँग डीएनए परीक्षण गरी पहिचान गर्न बेपत्ता व्यक्तिका नजिकका रगतसम्बन्धी आफन्तको नमूना सङ्कलन गरिने प्रहरीले जनाएको छ । विशेषगरी बुबा, आमा, छोरा वा छोरीको नमूना बढी उपयोगी हुने पौडेलको भनाइ छ ।

प्रहरीका अनुसार नुवाकोटमा बाढीमा बेपत्ता भएको भन्दै २ हजार ५६४ निवेदन परेका छन् । हालसम्म १९२ शव फेला परेकामा १८ जनाको मात्र पहिचान भएको छ । बाँकी शवको पहिचानका लागि डीएनए परीक्षणलाई तीव्रता दिइएको प्रहरीले जनाएको छ ।