प्रधानमन्त्री साहसँग अमेरिकी कार्यवाहक राजदूत बोल्डिनको शिष्टाचार भेट

काठमाडौं । प्रधानमन्त्री वालेन्द्र साह र नेपालका लागि अमेरिकी कार्यवाहक राजदूत मेगन बोल्डिनबीच बुधबार सिंहदरबारमा भेटवार्ता भएको छ।

भेटमा प्रधानमन्त्री साहले भोटेकोशी–त्रिशूली बाढीबाट नेपाली तथा विदेशी नागरिक प्रभावित भएको उल्लेख गर्दै विपद्का बेला अमेरिकाले देखाएको ऐक्यबद्धता र सहयोगप्रति आभार व्यक्त गरे। उनले जलवायुजन्य विपद् सामना गर्न अन्तर्राष्ट्रिय सहकार्य आवश्यक रहेको बताए।

कार्यवाहक राजदूत बोल्डिनले बाढीबाट भएको क्षतिप्रति दुःख व्यक्त गर्दै राहत, पुनःस्थापना र पुनर्निर्माणमा नेपाललाई सहयोग गर्न अमेरिका तयार रहेको बताइन्। भेटमा पर्यटन विकास र नेपालमा अमेरिकी लगानीका सम्भावनाबारे पनि छलफल भएको थियो।