भोटेकोशी बाढीमा १ हजार ४ सय ५४ शव फेला, ४ हजार ७१८ अझै बेपत्ता

काठमाडौं । रसुवाको भोटेकोशी बाढीमा बेपत्तामध्ये हालसम्म १ हजार ४ सय ५४ जनाको शव फेला परेको प्रहरीले जनाएको छ।

प्रहरी प्रधान कार्यालयका अनुसार रसुवामा २ सय ३६, नुवाकोटमा २४, धादिङमा ७२, चितवनमा ३ सय ६९, गोरखामा ७९, तनहुँमा ३८, नवलपरासी पूर्वमा २ सय ३२ र नवलपरासीमा २ सय २२ जनाको शव फेला परेको छ।

केन्द्रीय प्रहरी प्रवक्ता एवं प्रहरी नायब महानिरीक्षक अविनारायण काफ्लेका अनुसार फेला परेका शवको पहिचानका लागि डीएनए नमुना संकलनलगायत आवश्यक प्रक्रिया अघि बढाइएको छ। हालसम्म १ हजार ३ सय ३४ शव व्यवस्थापन गरिएको उनले जानकारी दिए।

बाढी प्रभावित क्षेत्रमा उद्धार, खोजी, राहत वितरण तथा शव व्यवस्थापनका लागि ७ हजार ९ सय ७५ प्रहरी कर्मचारी परिचालन गरिएको प्रहरीले जनाएको छ।

प्रहरीका अनुसार अझै ४ हजार ७१८ जना बेपत्ता छन्। उनीहरूको खोजी तथा उद्धार कार्य जारी रहेको छ।