रसुवा बाढीमा मृत्यु हुनेको संख्या ११ सय नाध्यो

काठमाडौं । रसुवाको भोटेकोशी बाढीमा मृत्यु हुनेको संख्या १ हजार ११४ पुगेको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार बुधबार बिहानसम्म विभिन्न जिल्लाबाट यति संख्यामा शव फेला परेका हुन्।

सबैभन्दा बढी चितवनमा ३४८ जनाको शव भेटिएको छ। यस्तै नवलपरासी पूर्वमा २१७, नवलपरासी पश्चिममा १९०, नुवाकोटमा १५५ र गोरखामा ६६ जनाको मृत्यु भएको छ।

फेला परेका शवमध्ये ९५ जनाको मात्र सनाखत भएको छ। विपद्मा २९२ जना घाइते भएका छन् भने करिब ३ हजार ९१६ जना अझै सम्पर्कविहीन छन्।

प्राधिकरणका अनुसार हालसम्म ११ हजार ९९३ जनाको उद्धार गरिएको छ। उद्धार तथा राहतका लागि २१ हजारभन्दा बढी सुरक्षाकर्मी परिचालन गरिएको छ।