राजनीतिक स्थिरताका लागि ‘तारा’ रोज्न प्रचण्डको अपिल

कपिलवस्तु । नेपाली कम्युनिस्ट पार्टीका संयाेजक ‘प्रचण्ड’ले कपिलवस्तुमा आयोजित नेकपाको चुनावी सभालाई सम्बोधन गर्दै ‘तारा’ चुनाव चिन्हमा मतदान गर्न मतदातासँग अपिल गर्नुभएको छ।

उहाँले वर्तमान निर्वाचनलाई विषम राजनीतिक परिस्थितिको परिणाम भन्दै यसलाई राष्ट्रको स्वाधीनता, राष्ट्रिय एकता र लोकतान्त्रिक अधिकारको रक्षा गर्ने अवसरका रूपमा लिन आग्रह गर्नुभयो।

देशलाई राजनीतिक स्थायित्वतर्फ लैजान निर्वाचन अनिवार्य भएको उल्लेख गर्दै उहाँले जनताको सक्रिय सहभागिताले नै लोकतन्त्र सुदृढ हुने बताउनुभयो।

सभामा कपिलवस्तु क्षेत्र नम्बर ३ बाट ‘तारा’ चिन्ह लिएर उम्मेदवार बनेका अहमद शाह खानलाई अत्यधिक मतले विजयी गराउन आग्रह गरिएको थियो। प्रचण्डले राष्ट्रिय एकता र विकासको पक्षमा उभिने शक्तिलाई समर्थन गर्न मतदातासँग आह्वान गर्नुभयो।