भोटेकोसी बाढीमा मृत्यु हुनेको संख्या एक हजार नाघ्यो

काठमाडौं । रसुवा भोटेकोशी नदीमा आएको भीषण बाढीमा परी मृत्यु हुनेको संख्या एक हजार नाघेको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणको दिउसो १ बजेसम्म अपडेट अनुसार मृत्यु हुनेको संख्या १ हजार ३ पुगेको हो।

चितवनमा मात्रै ३२१ जनाको शव फेला परेको छ। पूर्वनवलपरासीमा २१६, पश्चिम नवलपरासीमा १७०, धादिङमा ५७ जनाको शव फेला परेको प्राधिकरणले जनाएको छ।

त्यस्तै गोरखामा ६५, नुवाकोटमा ९५, तनहुँमा ३८ र रसुवामा ४१ जनाको शव फेला परेको छ। बाढीमा परी घाइते हुनेहरूको संख्या २७९ र डिस्चार्च हुनेको संख्या १६८ छ।

प्राधिकरणका अनुसार हालसम्म ३ हजार ९ सय १६ जना सम्पर्कविहीन छन् भने ११ हजार ८८४ जनाको उद्धार गरिएको छ।