भोटेकोशी बाढीपीडितले ओलीलाई सुनाए व्यथा

नुवाकोट । भोटेकोशी नदीमा आएको विनाशकारी बाढीले पुर्‍याएको क्षतिको पीडा अझै उस्तै छ। बाढीले बस्ती, सडक र संरचना बगाएको क्षेत्रमा अहिले पनि भग्नावशेषबीच हराएका आफन्तको खोजी जारी छ।

बाढी प्रभावित क्षेत्रको स्थलगत अवस्थाबारे जानकारी लिन पुगेका पूर्वप्रधानमन्त्री केपी शर्मा ओलीसामु स्थानीयले भोगेको पीडा र समस्या सुनाएका छन्। उनीहरूले बाढीले घरबार र जीविकोपार्जनका आधार खोसेको भन्दै उद्धार, राहत तथा पुनःस्थापनालाई प्रभावकारी बनाउन आग्रह गरे।

भत्किएका संरचना र नदीले बदलिदिएको भूगोलबीच स्थानीयहरू अझै आफ्ना आफन्त र हराएका सामानको खोजीमा छन्। बाढीपछि बाँचेका परिवारका लागि अबको चुनौती सुरक्षित बास, रोजगारी र पुनःस्थापना बनेको छ।

स्थानीयको पीडा सुनेपछि ओलीले प्रभावित क्षेत्रको अवस्थाबारे जानकारी लिँदै उद्धार तथा पुनःस्थापनाका लागि आवश्यक पहलमा जोड दिनुपर्ने बताएका छन्।